சிம்பு பாடலை வெளியிடும் தனுஷ்

 இயக்குனர் சேதுராமன் இயக்கத்தில் நடிகர் சந்தானம் நடிப்பில் உருவாகியுள்ள படம் 'சக்க போடு போடு ராஜா'. இந்த படத்தை விடிவி ப்ரொடக்சன் சார்பில் விடிவி கணேஷ் தயாரிக்கிறார். இந்த படத்தில் சந்தானம், வைபவி, விவேக் உள்ளிட்ட பலர் நடித்திருக்கின்றனர். இந்த படத்திற்கு நடிகர் சிம்பு இசையமைத்திருக்கிறார். நடிகராக இருந்த சிம்பு தற்போது இந்த படத்தில் முதன் முதலாக இசையமைப்பாளராக மாறியிருப்பது ரசிகர்களிடையே எதிர்பார்ப்பை அதிகப்படுத்துகிறது.

மேலும் இந்த படம் டிசம்பர் 22-இல் வெளியிடுவதாக படக்குழு முடிவு செய்துள்ளது. இதனால் டிசம்பர் 6-ஆம் தேதி படத்தின் பாடல்களை வெளியிடுவதாக தகவல்கள் வெளியாகிறது. இந்த பாடல்களை நடிகர் தனுஷ் வெளியிடுவதாக நடிகர் சந்தானம் தெரிவித்துள்ளார். நடிகர் சிம்புவின் பாடல்களை நடிகர் தனுஷ் வெளியிடுவது படத்தின் மீதான எதிர்பார்ப்பை அதிகப்படுத்துகிறது.