என்மகள் எந்த படத்திலும் நடிக்கவில்லை நடிகை கவுதமி விளக்கம்

இயக்குனர் பாலா இயக்கத்தில் 'நாச்சியார்' படத்தை தொடர்ந்து தற்போது 'வர்மா' படம் உருவாகி வருகிறது. இந்த படத்தின் படப்பிடிப்பு தற்போது நேபாளத்தில் நடந்து வருகிறது. இந்த படத்தில் நடிகர் விக்ரமின் மகன் துருவ் விக்ரம் நாயகனாக நடித்து வருகிறார்.  இந்த படத்தின் நாயகி குறித்து தேர்வு சமீபத்தில் நடந்து வந்த நிலையில் இந்த படத்தில் நடிகை கவுதமி மகள் சுப்புலட்சுமி நாயகியாக நடிக்க உள்ளதாக தகவல் வெளியானது.

இதனை நடிகை கவுதமி தற்போது மறுத்துள்ளார். இது குறித்து அவர் தனது டிவிட்டரில் 'என் மகள் சினிமாவில் நடிப்பதாக செய்திகள் வெளிவருகிறது. சுப்புலட்சுமி தற்போது படிப்பில் மிகுந்த ஈடுபாடுடன் கவனம் செலுத்தி வருகிறார். அவருக்கு தற்போது நடிப்பது குறித்து எந்த எண்ணமும் இல்லை. அவர் மீதுள்ள உங்களுடைய அனுதாபங்களுக்கு நன்றி' என்று அவர் தெரிவித்துள்ளார். 

மேலும் "நான் அரசியல் சார்ந்த கருத்துக்கள் தெரிவிப்பதனால் நான் அரசியலில் ஈடுபட உள்ளதாக நினைக்க வேண்டாம். அரசியலில் ஈடுபடும் எண்ணம் எனக்கு இருந்ததில்லை. நான் நானாகவே இருந்து விடுகிறேன்" என்றும் அவர் தெரிவித்துள்ளார்.