நேக்கு கல்யாண வயசு வந்துடுத்து விக்னேஷ் சிவன்

நடிகை நயன்தாரா நடிப்பில் விஸ்வாசம், இமைக்கா நொடிகள், கொலையுதிர் காலம், கோலமாவு கோகிலா போன்ற பல படங்கள் உருவாகி வருகிறது. இதில் நெல்சன் திலீப்குமார் இயக்கத்தில் தற்போது உருவாகி வரும் 'கோலமாவு கோகிலா' என்ற படத்தை லைக்கா ப்ரொடக்சன் நிறுவனம் தயாரித்து வருகிறது. இந்த படத்திற்கு அனிருத் இசையமைப்பில் நடிகர் மற்றும் தயாரிப்பாளரான சிவகார்த்திகேயன் 'கல்யாண வயசு' என்ற பாடல் வரிகளை எழுதியுள்ளார்.

தற்போது இந்த பாடல் விடீயோவை படக்குழு வெளியிட்டுள்ளது. இந்த வீடியோவில் யோகி பாபு, நயன்தாராவிடம் காதலை சொல்லும் காட்சி ரசிகர்களை கவர்ந்து வருகிறது. மேலும் வெளியான சில மணிநேரங்களில் இந்த பாடல் ரசிகர்களை கவர்ந்து 2 லட்சம் பார்வையாளர்களை கவர்ந்துள்ளது. இந்த படத்திற்கு கோலமாவு கோகிலா என்று தலைப்பு வைத்துவிட்டு போதை பொருள் விற்கும் பெண் கதாபத்திரத்தில் நயன்தாராவை நடிக்க வைத்துள்ளார் இயக்குனர்.

இந்நிலையில் இயக்குனர் மற்றும் நயன்தராவின் காதலரான விக்னேஷ் சிவன் 'நேக்கு கல்யாண வயசு தான் வந்துடுச்சு டே' என்று சமூக வலைத்தளங்களால் இன்ஸ்டாங்க்ராம் மற்றும் டிவிட்டரில் பதிவு செய்து இருவரும் இணைந்துள்ள புகைப்படம் ஒன்றை வெளியிட்டுள்ளார். இதனை கண்டு ரசிகர்கள் கல்யாண வயசு வந்துடுச்சுனா எப்ப கல்யாணம் என்று கேள்வி கேட்டு வருகின்றனர்.