நடிகை தமன்னா நடிக்கும் தட் இஸ் மகாலட்சுமி

தமிழ், தெலுங்கு, ஹிந்தி திரையுலகில் பிஸியான நடிகையான தமன்னா, ஸ்கெட்ச் மற்றும் நா நுவ்வே படங்களுக்கு பிறகு 9 படங்களில் பிசியாக நடித்து வருகிறார். இதில் தமிழில் கண்ணே கலைமானே மற்றும் சயிரா நரசிம்ம ரெட்டி படங்களும், தெலுங்கில் ஆ பா கா (Aa Ba Ka), சவ்யசாட்சி (Savyasachi) படங்களும், இந்தியில் காமோஷி போன்ற படங்களும் உருவாகி வருகிறது. இந்த படங்களை தொடர்ந்து 2014இல் வெளியான குயின் படத்தின் தெலுங்கு ரீமேக் படத்திலும் நாயகியாக நடித்து வருகிறார்.

இந்த படம் குயின் படத்தின் இயக்குனர் விகாஸ் பால் கைவண்ணத்தில், இயக்குனர் பிரசாந்த் வர்மா இயக்கத்தில் உருவாகி வருகிறது. இந்த படத்தை இயக்குனர் நீலகண்டன் இயக்க உள்ளதாக இருந்தது. ஆனால் தமன்னாவுக்கும், நீலகண்டனுக்கும் இடையில் ஏற்பட்ட கருத்து வேறுபாடு காரணமாக இந்த படத்தின் இயக்குனர் மாற்றப்பட்டுள்ளார். இதனை அடுத்து தெலுங்கில் உருவாகி வரும் இந்த படத்திற்கு 'தட் இஸ் மகாலட்சுமி (That Is Mahalakshmi)' என்று தலைப்பு வைக்கப்பட்டுள்ளது.

பாரிசில் நடக்கும் சம்பவங்களை மையமாக வைத்து உருவாகி வரும் இந்த படத்தில் சஞ்சய் சுவரூப், ஜெகபதி பாபு, ப்ரியதர்ஷி ஆகியோர் முக்கிய கதாபாத்திரத்தில் நடித்து வருகின்றனர். தற்போது குயின் படத்தின் ரீமேக் தமிழ், தெலுங்கு மற்றும் மலையாளம் போன்ற மொழிகளில் உருவாகி வருகிறது. தமிழில் காஜல் அகர்வாலும், தெலுங்கில் தமன்னாவும், மலையாளத்தில் மஞ்சிமா மோகனும் நடித்து வருகின்றனர்.