வேலைக்காரன் 360 டிகிரி செட் மேக்கிங் வீடியோ

இயக்குனர் மோகன் ராஜா இயக்கத்தில் சிவகார்த்திகேயன், நயன்தாரா இணைந்து நடித்து கிறுஸ்துமஸ் விருந்தாக கடந்த 22ம் தேதி வெளிவந்த படம் 'வேலைக்காரன்'. இந்த படம் ரசிகர்கள், விமர்சனங்கள் மத்தியில் நல்ல வரவேற்பினை பெற்று வருகிறது. இந்த படத்தின் மூலம் மலையாள முன்னனி நடிகர் ஃபகத் ஃபாஸில் தமிழ் திரையுலகில் அறிமுகமாவதோடு முக்கிய வேடத்திலும் நடித்திருந்தார். இவர்களுடன் இணைந்து சினேகா, பிரகாஷ் ராஜ், தம்பி ராமையா, ரோபோ ஷங்கர், ஆர்.ஜே.பாலாஜி, யோகி பாபு, விஜய் வசந்த், சதீஷ் போன்றவர்கள் முக்கிய வேடத்தில் நடித்துள்ளனர். ’24 AM ஸ்டுடியோஸ்’ நிறுவனம் சார்பில் ஆர்.டி.ராஜா தயாரித்துள்ள இந்த படத்திற்கு அனிருத் இசையமைத்துள்ளார். 

மேலும் ராம்ஜி ஒளிப்பதிவாளராகவும், ரூபன் படத்தொகுப்பாளராகவும், டி.முத்துராஜ் கலை இயக்குநராகவும்  பணிபுரிந்துள்ளார். இந்த படத்திற்கு திரையுலக வட்டாரங்கள் மற்றும் ரசிகர்கள் தங்களது வாழ்த்துக்களை தெரிவித்து வருகின்றனர். முன்னதாக சூப்பர் ஸ்டார் ரஜினிகாந்த் இந்த  படத்திற்கு வாழ்த்து தெரிவித்திருந்தார். இந்நிலையில் படக்குழு படத்தை பற்றிய வீடியோ ஒன்றை வெளியிட்டுள்ளது. இந்த வீடியோவில் 360 டிகிரியில் காண்பிக்கும் விதமாக இந்த படத்தின் கலை இயக்குனர் டி.முத்துராஜ் அவர்கள் படத்தில் பணியாற்றியது குறித்து தெரிவித்துள்ளார்.