வெளியானது தளபதி 62 படத்தின் தலைப்பு மற்றும் பர்ஸ்ட் லுக் போஸ்டர்

மெர்சல் படத்திற்கு பிறகு தளபதி விஜய் நடிப்பில் உருவாகி வரும் படம் 'தளபதி 62'. இன்னும் பெயரிடப்படாத இந்த படத்தின் டைட்டில் மற்றும் பர்ஸ்ட் லுக் போஸ்டர் இன்று மாலை 6மணிக்கு வெளியிட உள்ளதாக படக்குழு முன்னதாக அறிவித்திருந்தது. இதனால் எப்ப தான் மாலை 6மணி ஆகும் என்று காலை முதலே ரசிகர்கள் காத்து கொண்டிருக்கின்றனர்.

நாளை விஜயின் 44வது பிறந்த நாள் என்பதால் அவருக்கு பிறந்த நாள் வாழ்த்துக்களும் ரசிகர்கள், சினிமா பிரபலங்கள் ஆகியோரிடமிருந்து குவிந்த வண்ணம் உள்ளது. துப்பாக்கி, கத்தி வரிசையில் ஆக்சன் கலந்த அரசியல் படமாக உருவாகி வரும் இந்த படத்தின் தலைப்பு குறித்து ஏராளமான தகவல் வெளிவந்த நிலையில் தற்போது இந்த படத்தின் தலைப்பை படக்குழு வெளியிட்டு பர்ஸ்ட் லுக் போஸ்டரையும் வெளியிட்டுள்ளது. தளபதியின் 62வது படமான இந்த படத்திற்கு சர்கார் என்று தலைப்பு வைக்கப்பட்டுள்ளது. 

அரசாங்கத்தை குறிக்கும் சொல்லான 'சர்கார்' என்ற தலைப்பிற்கேற்ப அரசியல், அரசாங்கம் போன்றவற்ற எதிர்க்கும் படமாக இருக்கும் என்று ரசிகர்கள் எதிர்பார்க்கின்றனர்.பைரவா படத்திற்கு பிறகு கீர்த்தி சுரேஷ் விஜயுடன் இணைந்து நடித்துள்ள இந்த படத்தின் அப்டேட்டுக்காக நீண்ட நாட்களாக காத்திருந்த நிலையில் தற்போது படக்குழு பர்ஸ்ட் லுக் போஸ்டரை வெளியிட்டுள்ளது. சன் பிக்ச்சர்ஸ் நிறுவனத்தின் தயாரிப்பில் இசைப்புயல் ஏஆர் ரஹ்மான் இசையமைப்பில் பிரமாண்டமாக உருவாகி வரும் இந்த படம் ரசிகர்களுக்கு தீபாவளி விருந்தாக அமைய உள்ளது.