ஆரி நடிக்கும் மெளன வலை படத்தின் படப்பிடிப்பு இன்று துவக்கம்

இயக்குனர் ராபர்ட் ராஜ் இயக்கிய 'களம்' படம் 2016-இல் ஏப்ரல் மாதம் வெளிவந்து வெற்றியடைந்தது. இந்த படத்தின் வெற்றியை அடுத்து இவர் 'மெளன வலை' என்ற படத்தை இயக்குவதாக தகவல்கள் வெளியானது. தற்போது இந்த படத்தின் படப்பிடிப்பிற்கான பூஜை இன்று நடைபெற்றது. இந்த பூஜையில் நடிகர் சாந்தனு சிறப்பு விருந்தினராக கலந்து கொண்டார்.

இந்த படத்தின் கதாநாயகனாக 'நெடுஞ்சாலை' அறிமுகமான ஆரி தேர்வு செய்யப்பட்டுள்ளார். இவர் நயன்தாராவுடன் மாயாவில் நடித்து புகழ்பெற்றுள்ளார். இந்த படத்தின் கதாநாயகியாக ஸ்ம்ருதி நடிக்கவுள்ளார். படத்தில் முக்கிய கதாபாத்திரத்தில் மதுசூதனன், ஹரிஷ் பேரடி, அருள் ஜோதி, உப்பாசனா நடிக்கிறார்கள். பாருக் பாஷா ஒளிப்பதிவில் ஜாவித் ரியாஸ் இசையமைக்கிறார். ஸ்டன்னர் ஷாம் இந்த படத்திற்கு சண்டை பயிற்சி அளிக்கிறார்.