Advertisement

சிவா மனசுல சக்தி இயக்குனருடன் இணைந்த சிவகார்த்திகேயன்

       பதிவு : Mar 17, 2018 15:09 IST    
இயக்குனர் ஆர் ரவிக்குமாரை தொடர்ந்து தற்போது இயக்குனர் ராஜேசுடன் இணைந்துள்ளார் சிவகார்த்திகேயன். இயக்குனர் ஆர் ரவிக்குமாரை தொடர்ந்து தற்போது இயக்குனர் ராஜேசுடன் இணைந்துள்ளார் சிவகார்த்திகேயன்.
Advertisement

நடிகர் சிவகார்த்திகேயன் நடிப்பில் தற்போது 'சீம ராஜா' படம் உருவாகி வருகிறது. இந்த படத்தை வருத்தப்படாத வாலிபர் சங்கம், ரஜினி முருகன் போன்ற படங்களை இயக்கிய இயக்குனர் பொன்ராம் இயக்கி வருகிறார். இந்த படத்தில் காமெடி நடிகராக சூரியும், நாயகியாக சமந்தாவும் நடித்து வருகின்றனர். இந்த படம் சமந்தாவுக்கு சிவகார்த்திகேயனுடன் இணையும் முதல் படமாகும்.

இந்த படத்தின் பர்ஸ்ட் லுக் போஸ்டரை சிவகார்த்திகேயன் பிறந்த நாளில் படக்குழு வெளியிட்டது. இதனை தொடர்ந்து நடிகர் சிவகார்த்திகேயன் 'இன்று நேற்று நாளை'  படத்தை  இயக்கிய ஆர் ரவிக்குமார் இயக்கத்தில் நடிக்க உள்ளார். இந்த படத்தையும் 'சீம ராஜா' படத்தையும் 24 ஏஎம் ஸ்டுடியோஸ் நிறுவனம் 'வேலைக்காரன்' படத்தை தொடர்ந்து தயாரித்து வருகிறது.

 

ஒரு நடிகராக மட்டுமல்லாமல் தற்போது தயாரிப்பாளராகவும் அவதாரம் எடுத்துள்ளார் சிவகார்த்திகேயன். பிரபல பாடகர் மற்றும் சிவகார்த்திகேயன் நண்பரான அருண்ராஜா காமராஜா இயக்க உள்ள புது படத்தை தயாரிக்க உள்ளார். இந்த படத்தின் பூஜை சமீபத்தில் நடந்தது. இதனை தொடர்ந்து தற்போது சிவகார்த்திகேயன் நடிக்க உள்ள புதுப்படம் குறித்த தகவல் வெளியாகியுள்ளது.

அதன்படி சிவகார்த்திகேயன் அடுத்ததாக 'சிவா மனசுல சக்தி' படத்தை இயக்கிய இயக்குனர் ராஜேசுடன் இணைய உள்ளார். தற்போது இயக்குனர் ராஜேஷ், நடிகர் சந்தானம் நடிக்க உள்ள புது படத்தை இயக்க உள்ளார். இதனை முடித்த பிறகு சிவகார்த்திகேயனுடன் இணைய உள்ளார். மேலும் இயக்குனர் ராஜேஷ், சிவகார்த்திகேயன் நடிப்பில் வெளியான 'வருத்தப்படாத வாலிபர் சங்கம்' படத்திற்கு எழுத்தாளராக பணியாற்றியுள்ளது குறிப்பிடத்தக்கது.

 


சிவா மனசுல சக்தி இயக்குனருடன் இணைந்த சிவகார்த்திகேயன்


செய்தியாளர் பற்றி

விக்னேஷ் சுற்றுப்புற சுகாதாரம் மற்றும் கல்வி சார்ந்த செய்திகளை பெருமளவு எழுதி வருகிறார். இவர் தனது செய்திகளில் கற்பனை திறனையும், புது புது தகவல்களையும் வெளிப்படுத்தி வருகிறார். இவர் செய்திகளை எழுதுவதில் வல்லவர். தனது திறமையால் சிறு தகவல்களை வைத்து அதன் மூலம் நம்மால் ஈன்ற அளவுக்கு தனது முயற்சிகளை வெளிப்படுத்துவார். அனைவரிடத்திலும் வெளிப்படையாக பழக கூடியவர். மற்றவர்களிடமிருந்து புது நுணுக்கங்களையும் நுட்பத்தையும் சேகரித்து தன்னுடைய அறிவை வளர்த்து கொள்வார். இவர் தான் சேகரிக்கும் தகவல்களை மிகவும் எளிமையான முறையில் மக்களுக்கு கொண்டு சேர்ப்பதில் சிறப்பானதாக விளங்குகிறார். ... மேலும் படிக்க

Vignesh writer and reporter

விக்னேஷ்செய்தியாளர்

Advertisement