6 மாநிலங்களில் ஏர்செல் சேவை ரத்து

       பதிவு : Dec 22, 2017 10:39 IST    
aircel shut the operation in 6 states aircel shut the operation in 6 states

தொலைத்தொடர்பு துறையில் ஒவ்வொரு நிறுவனங்களும் தங்களது வாடிக்கையாளர்களின் கவனத்தை ஈர்க்க அதிரடி சேவைகளை அறிவித்து வருகிறது. வாடிக்கையாளர்கள் சலுகைகளுக்கு ஏற்ப தங்களது சேவையை மாற்றி வருகின்றனர். கடந்த ஆண்டு முகேஷ் அம்பானியின் ஜியோ நிறுவனம் இலவச இன்டர்நெட் மற்றும் இலவச கால் சேவையை அறிவித்தது. இதனால் ஏராளாமான மக்கள் மற்ற நிறுவனங்களில் இருந்து ஜியோவுக்கு மாறினார். இதனால் பல நிறுவனங்கள் கடுமையாக பாதிக்கப்பட்டது. எனினும் ஏர்டெல், ஐடியா, வோடபோன் உள்ளிட்ட நிறுவனங்கள் தடுமாறினாலும் தங்களது வாடிக்கையாளர்களை தக்க வைத்து கொள்ள அதிரடி சலுகைகளை வழங்கி வருகிறது. 

இந்திய தொலைத்தொடர்பு ஒழுங்குமுறை ஆணையமான டிராய், மற்ற நிறுவனங்களுடன் போட்டி  போட்டு சேவை வழங்க முடியாத காரணத்தினால் ஏர்செல் நிறுவனம் 6 மாநிலங்களில் தனது சேவையை நிறுத்த முடிவு செய்துள்ளதாக தெரிவித்துள்ளது. உத்திர பிரதேசம், மத்திய பிரதேசம், குஜராத், மராட்டியம், அரியானா இமாச்சல பிரதேசம் ஆகிய மாநிலங்களில் தனது சேவையை நிறுத்துவதாக உறுதி செய்துள்ளது. முன்னதாக அணில் அம்பானியின் ரிலையன்ஸ் கம்யூனிகேஷன் தனது சேவையை நிறுத்தியுள்ளது. 

இதனை தொடர்ந்து ஏர்செல் நிறுவனம் வருவாய் குறைவாக இருப்பதால் தனது சேவையை நிறுத்தியுள்ளது. மேலும் தமிழகம் உள்பட பிற மாநிலங்களில் உள்ள வாடிக்கையாளர்களுக்கு தொடர்ந்து சேவையை வழங்கவுள்ளது. ஏர்செல் பயனாளர்களிடம் இருந்து வரும் போர்ட் கோடினை மற்ற டெலிகாம் நிறுவனங்கள் அடுத்த வருடம் மார்ச் 10 வரை நிராகரிக்க கூடாது எனவும் டிராய் தெரிவித்துள்ளது.  

 

aircel shut the operation in 6 statesaircel shut the operation in 6 states

6 மாநிலங்களில் ஏர்செல் சேவை ரத்து


செய்தியாளர் பற்றி

அடிப்படையில் தேவி ஒரு ஓவியர் மற்றும் பயணங்களை மிகவும் ரசிப்பவர். இயற்கையின் மீதும் தனது எழுத்து திறமையின் மீதும் சிறந்த ஆர்வம் கொண்டவர். இவர் இயற்கை வளங்களையும், மலை சார்ந்த இடங்களையும் நிறையவே நேசிக்கிறார். இவர் தான் சேகரித்த பல்வேறு தகவல்களையும், எண்ணங்களையும் மக்களுக்கு கொண்டு சேர்ப்பவர். ... மேலும் படிக்க

Yasodha senior editor and writer

யசோதாமூத்த எழுத்தாளர்