நடிகர் இமான் அண்ணாச்சியின் தாயார் இன்று காலமானார்

காதல் படத்தில் மூலம் திரையுலகில் கால்பதித்த இமான் அண்ணாச்சி காமெடி நடிகராக கோலிசோடா, ஜில்லா, காக்கிசட்டை, தொடரி உள்ளிட்ட ஏராளமான படங்களில் நடித்துள்ளார். இவரது பேச்சு திறமை மக்களிடையே மிகவும் பிரபலமானது. இவர் ஏராளமான நிகழ்ச்சிகளில் தொகுப்பாளராகவும், குட்டி சுட்டிஸ், சொல்லுங்கன்னே சொல்லுங்க போன்ற பல நிகழ்ச்சிகளில் தொகுப்பாளராக வலம் வந்துள்ளார்.

இவருடைய தாயார் திருமதி கமலா அன்னம் இன்று காலமானார். இவருடைய இறுதி சடங்குகள் இவருடைய சொந்த ஊரான தூத்துக்குடியில் நாளை நடக்கவுள்ளது. சமூக வலைத்தளங்களில் இமான் அண்ணாச்சிக்கு ரசிகர்கள் மற்றும் திரைப்பட துறையினர் அவருக்கு ஆறுதல்களையும் அனுதாபங்களையும் பகிர்ந்து வருகின்றனர்.