மெர்குரி படத்தை தமிழராக்கர்ஸ் இணையதளத்தில் பார்க்க வேண்டாம் என பிரபுதேவா கோரிக்கை

       பதிவு : Apr 15, 2018 19:48 IST    
நடிகர் பிரபு தேவா ரசிகர்கள் மெர்குரி படத்தை தமிழ் ராக்கர்ஸ் போன்ற இணைதளத்தில் பார்ப்பதை தவிர்க்க வேண்டும் என கேட்டு கொண்டுள்ளார். நடிகர் பிரபு தேவா ரசிகர்கள் மெர்குரி படத்தை தமிழ் ராக்கர்ஸ் போன்ற இணைதளத்தில் பார்ப்பதை தவிர்க்க வேண்டும் என கேட்டு கொண்டுள்ளார்.

இயக்குனர் கார்த்திக் சூப்பராஜ் இயக்கத்தில் கடந்த ஏப்ரல் 13- இல் வெளிவந்து நல்ல வரவேற்பை பெற்று வரும் படம் 'மெர்குரி'. இந்த படத்திற்கு உலகம் முழுவதும் நல்ல வரவேற்பு கிடைத்து வருகிறது. ஆனால் கடந்த 13-ஆம் தேதி தமிழ் மொழியை தவிர தெலுங்கு, ஹிந்தி, கன்னடம், மலையாளம், ஜெர்மனி, பிரென்ச் போன்ற மொழி திரையரங்குகளில் வெளியானது. இதற்கு இயக்குனர் கார்த்திக் சுப்பராஜ், தமிழ் மொழியில் வெளியாகாமல் போனதற்கு வருத்தம் தெரிவித்துள்ளார்.

தற்போது தமிழகத்தில் நிகழ்ந்து வரும் தயாரிப்பாளர் வேலைநிறுத்தம் எப்போது முடியும் என்று தெரியாமல் உள்ளது. இந்நிலையில் தமிழகத்தில் வெளியாகாமல் இருக்கும் புதிய படங்கள் இதர மாநிலங்களில் வெளியாகி வருகிறது. ஆனால் நிகழ்ந்து வரும் தயாரிப்பாளர் பிரச்னை காரணமாக இதர மாநில திரையரங்குகளில் வெளியாகும் திரைப்படங்கள் தமிழ் ராக்கர்ஸ் போன்ற இணையதளத்தில் வெளியாகி வருகிறது. தொடர்ந்து தயாரிப்பாளர் பிரச்னை நீடித்தால் திருட்டு விசிடி போன்றவற்றின் ஆதிக்கம் அதிகமாக வாய்ப்புள்ளது.

 

இந்நிலையில் தற்போது வெளியான 'மெர்குரி' படமும் தமிழ், தெலுங்கு, ஹிந்தி, கன்னடம், மலையாளம், ஜெர்மனி, பிரென்ச் போன்ற மொழிகளில்  திருட்டுத்தனமாக இணையதளத்தில் வெளியாகியுள்ளது. தமிழகத்தில் மெர்குரி படம் வெளியாகாததால் ரசிகர்கள் இணையதளத்தில் பார்த்து வருகின்றனர். தற்போது இந்த படத்தின் நாயகன் பிரபு தேவா இணையதளத்தில் பார்ப்பதை ரசிகர்கள் தவிர்க்க வேண்டும் என வலியுறுத்தி சமூக வலைத்தளத்தில் வீடியோ ஒன்றை வெளியிட்டுள்ளார். 


மெர்குரி படத்தை தமிழராக்கர்ஸ் இணையதளத்தில் பார்க்க வேண்டாம் என பிரபுதேவா கோரிக்கை


செய்தியாளர் பற்றி

சிறந்த ஓவியர், சிந்தனையாளர். புது புது தகவல்களையும், செய்திகளையும் சேகரித்து மக்களுக்கு எளிமையான முறையில் கொண்டு சேர்ப்பவர். இயற்கையின் அழகையும், விவசாயத்தையும் மறந்து நவீனத்தை விரும்பி உலகத்தை அழிக்கும் புண்ணியவான்களை வெறுப்பவர். ... மேலும் படிக்க

Velu

வேலுசாமிசெய்தியாளர்