Policies

About Us விதிமுறைகள் மற்றும் நிபந்தனைகள் Disclaimer Policy Privacy Policy

Contact

Contact Us Twitter Facebook Google +
Copyright Stage3 News
2018. All Rights Reserved

அட்லீ இயக்கவிருக்கும் திரையுலக பிரபலம் மகிழ்ச்சியில் ரசிகர்கள்

தமிழ் திரையுலகில் இயக்குனர்களின் ஒருவரான அட்லீ குறைந்த வயதில் வெற்றி படங்களை இயக்கி திரையுலகில் சிறந்த இயக்குனராக வளம் வருகிறார். இவர் திரைப்படங்களை  இயக்குவதற்கு முன்பே நடிகர் சிவகார்த்திகேயன் நடிப்பில் "முகப்புத்தகம்" என்னும் குறும்படத்தை இயக்கியிருப்பது குறிப்பிடத்தக்கது. மேலும் முதல் முதலில் இயக்குனர் சங்கரிடம் உதவி இயக்குனராக நண்பன், எந்திரன் போன்ற படங்களில் பணிபுரிந்து காதலை மையமாக வைத்து உருவான 'ராஜா ராணி' படத்தின் மூலம் இயக்குனராக அறிமுகமானார். இந்த படம் ரசிகர்கள் மத்தியில் இன்றளவும் பேசத்தக்க படமாக வளம் வருகிறது.   

இந்த வெற்றி படத்தினை தொடந்து விஜய்யின் 59வது படமான 'தெறி' படத்தினை இயக்கினார். மேலும் மீண்டும் அவர்களின் கூட்டணியில் 'மெர்சல்' படம் வெளிவந்தது. இந்த இரண்டு படங்களும் ரசிகர்கள் மத்தியில் நல்ல வரவேற்பினை பெற்றதோடு இயக்குனர் அட்லீயின் வரவேற்புகளும் திரைத்துறையில் அதிகரித்திருந்தது. இவரது இயக்கத்தில் வெளிவந்த ராஜா ராணி படத்திற்கு சிறந்த இயக்குனருக்கான சீமா விருது மற்றும் விஜய் விருது, சிறந்த கதை மற்றும் திரைக்கதை எழுத்தாளருக்கான விஜய் விருதுகள் பரிந்துரைக்கப்பட்டது. இப்படத்தின் மூலம் சிறந்த இயக்குனருக்கான Edison விருது வழங்கப்பட்டது. மேலும் 'தெறி' படத்திற்காக பிலிம் பேர் விருது பரிந்துரைக்கப்பட்டதோடு சிறந்த இயக்குனருக்கான சீமா விருது வழங்கப்பட்டது.     

இந்நிலையில் இயக்குனர் அட்லீ மீண்டும் விஜய்யின் புது படத்தினை இயக்குவதற்கான பணியில் ஈடுபட்டு வருவதாக தகவல் கடந்த சில நாட்களாக வலைத்தளத்தில் பரவியது. தற்பொழுது வந்த தகவலில் சூப்பர் ஸ்டார் ரஜினிகாந்த்திடம் இயக்குனர் அட்லீ ஒரு கதை சொன்னதாகவும், இந்த கதை ரஜிகாந்த்திற்கு பிடித்திருப்பதாகவும் கூறப்படுகிறது. மேலும் இப்படத்தினை புகழ் பெற்ற தேனாண்டாள் தயாரிப்பு நிறுவனம் தயாரிக்கவிருப்பதாகவும் தகவலில் வெளிவந்துள்ளது. இந்த தகவலின் அதிகார பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. இந்த செய்தியின் மூலம் ரசிகர்கள் மகிழ்ச்சியை கொண்டாடி வருகின்றனர்.     


அட்லீ இயக்கவிருக்கும் திரையுலக பிரபலம் மகிழ்ச்சியில் ரசிகர்கள்

செய்தியாளர் பற்றி
எழுத்தாளர்
விவசாயம் சார்ந்த அனைத்து தொழில்களிலும் அதிகளவு ஆர்வம் உடையவர். தற்பொழுது மக்களிடையே நிலவி வரும் சமூக வலைதளம், சினிமா தொடர் போன்றவற்றில் கவனம் செலுத்துபவர். அரசியல் சார்ந்த செய்திகளை அடியோடு வெறுப்பவர். சில நேரங்களில் ஓவியம் வரைதல், சிறந்த நாவல்களை படித்தல் போன்றவற்றில் கவனம் செலுத்துபவர். கடவுள் நம்பிக்கை உடையவர். நாளுக்கு நாள் வெளிவரும் புது புது சினிமா (திரைப்படம் ) சார்ந்த செய்திகளை மக்களிடையே கொண்டு சேர்பவர்.
1B, Commercial Site, TNHB,
HUDCO Colony, Peelamedu,
Coimbatore, Tamil Nadu
India - 641004.
9790403333 support@stage3.in