×

Entertainment

Technology

ads

கும்கி 2வில் விக்ரம் பிரபுவுக்கு பதிலாக இணைந்த விஷ்ணு விஷால்

கும்கி 2 படத்தில் விக்ரம் பிரபுவுக்கு பதிலாக விஷ்ணு விஷால் நாயகனாக நடித்து வருகிறார்.
கும்கி 2 படத்தில் விக்ரம் பிரபுவுக்கு பதிலாக விஷ்ணு விஷால் நாயகனாக நடித்து வருகிறார்.

நடிகர் பிரபுவின் மகன் மற்றும் சிவாஜி கணேசனின் வாரிசு நடிகரான விக்ரம் பிரபுவின் முதல் படம் 'கும்கி'. விக்ரம் பிரபு மற்றும் லட்சுமி மேனன் நடிப்பில் வெளியாகி மாபெரும் வெற்றி அடைந்த இந்த படம் ரசிகர்களிடம் நல்ல வரவேற்பினை பெற்றது. இந்த படத்தை கிங், லீ, மைனா, சாட்டை போன்ற படங்களை இயக்கிய இயக்குனர் பிரபு சாலமன் இயக்கி இருந்தார். விக்ரம் பிரபுவின் தமிழ் அறிமுக படமான இந்த படம் சிறந்த புதுமுக நடிகர், சிறந்த இயக்குனர், சிறந்த கதை உள்ளிட்ட பல விருதுகளை குவித்தது.

இந்த படத்திற்கு பிறகு இயக்குனர் பிரபு சாலமன் கயல், தொடரி போன்ற படங்களை இயக்கியுள்ளார். இவர் சமீபத்தில் கும்கி படத்தின் இரண்டாம் பாகத்தை எடுக்க முடிவு செய்து அதற்கான பணிகளையும் ஆரம்பித்தார். தற்போது இந்த படத்தின் படப்பிடிப்பு கேரளாவில் நடைபெற்று வருகிறது. முன்னதாக நாயகனின் சிறு வயது காட்சிகள் படமாக்கப்பட்டது. இதன் பிறகு தற்போது இந்த படத்தின் நாயகன் கதாபாத்திரத்தில் விக்ரம் பிரபுவுக்கு பதிலாக விஷ்ணு விஷால் நடித்து வருவதாக கூறப்படுகிறது.

ads

இதற்காக விஷ்ணு விஷால் கேரளா சென்று படப்பிடிப்பிலும் கலந்து கொண்டுள்ளார். இந்த படம் தமிழ் மற்றும் தெலுங்கு இரண்டு மொழிகளிலும் ஒரே நேரத்தில் உருவாக்கப்பட்டு வருகிறது. விரைவில் இந்த படத்தில் பணிபுரியவுள்ள இதர நடிகர் நடிகைகள் மற்றும் தொழில்நுட்ப கலைஞர்கள் குறித்த அறிவிப்பை படக்குழு வெளியிட உள்ளனர். 

கும்கி 2வில் விக்ரம் பிரபுவுக்கு பதிலாக இணைந்த விஷ்ணு விஷால்

ads