ads

காற்றில் கந்தக -டை-ஆக்சைடு கலப்பதில் இந்தியா தற்போது முதலிடம்

sulfur dioxide air pollution

sulfur dioxide air pollution

1952-ஆம் ஆண்டு லண்டனில் காற்றில் கந்தக-டை-ஆக்சைடு கலந்ததினால் காற்று மாசடைந்து அதில் ஒன்றரை லட்சத்திற்கும் மேலானோர் மருத்துவமனையில் அனுமதிக்கப்பட்டு தீவிர சிகிச்சை பெற்று வந்தனர். இந்நிலையில் தற்போது அமெரிக்காவிலுள்ள மேரிலேண்ட் பல்கலைக்கழகம் காற்று மாசுபாடு சம்பந்தமாக மேற்கொண்ட ஆய்வில் காற்றில் கந்தக-டை-ஆக்சைடு கலப்பதில் இந்தியா முதலிடம் என்று அதிர்ச்சி தகவலை வெளியிட்டுள்ளது. 

சுற்றுசூழல் சுகாதாரத்திற்கும் மனிதகுலத்திற்கு பெரும் கேடு விளைவிக்க கூடிய இந்த கந்தக-டாய்-ஆக்சைடு காரணமாக இந்தியாவில் 3 கோடியே 30 லட்சம் மக்களும் சீனாவில் 9 கோடியே 90 லட்சம் மக்களும் பாதிக்கப்பட்டுள்ளதாக மேரிலேண்ட் பல்கலைக்கழகம் மேற்கொண்ட ஆய்வில் தெரிவந்துள்ளது. இந்த கந்தக-டை-ஆக்சைடு காற்றில் கலப்பதினால் ஏற்படும் காற்று மாசுபாடு காரணமாக இந்தியா மற்றும் சீனாவில் மக்களின் ஆயுட்காலம் குறைவதாகவும் தெரிவித்துள்ளது. கடந்த 2010 ஆம் ஆண்டு கந்தக-டை-ஆக்சைடு வெளியேற்றுவதில் இரண்டாம் இடத்தில் இருந்த அமெரிக்காவை இந்தியா பின்னுக்கு தள்ளியது. 

தற்போது முதலிடத்தில் இருந்த சீனாவை பின்னுக்கு தள்ளி இந்தியா முதலிடம் வகிக்கிறது. மேலும் கந்தக-டை-ஆக்சைடு வெளியேற்றுவதில் முதலிடத்தில் இருந்த சீனா 70 சதவீதம் அளவிற்கு குறைத்துள்ளது. அதே சமயம் இந்தியாவில் 50 சதவீதம் உயர்த்தி தற்போது முதலிடத்தை பிடித்துள்ளது. உலக அளவில் நிலக்கரி உபயோகத்தில் இந்தியா இரண்டாம் இடம் வகிக்கிறது. நிலக்கரியின் அளவில் 3 சதவீதம் கந்தகம் உள்ளதால் அதை அதிகம் உபயோகிப்பதால் காற்று மாசுபாடு பெருகியுள்ளது குறிப்பிடத்தக்கது. இந்த அறிக்கை சமூக ஆர்வலர்கள் மற்றும் சுற்றுசூழல் ஆர்வலர்களிடையே பெரும் அதிர்ச்சியை ஏற்படுத்தியுள்ளது.

காற்றில் கந்தக -டை-ஆக்சைடு கலப்பதில் இந்தியா தற்போது முதலிடம்

Author Biography
மீனா ஸ்ரீ
எழுத்தாளர்
விஷுவல் மீடியா துறையை சேர்ந்த மீனா ஸ்ரீ எழுத்து மற்றும் கலை துறையில் ஆர்வமாக உள்ளார். மீனா, உலகம் முழுவதும் புதிய விஷயங்களைப் பற்றி கற்றுக் கொள்வதில் ஆர்வம் கொண்டவர். View more
Stage3 News,
199, ArasanKadu, Sankari Main Road,
Pallipalayam,
Namakkal, Tamil Nadu,
India - 638008.
9790403333 meena@stage3.in