வீரம் கூட்டணியில் தொடரும் விஸ்வாசம்

வீரம், வேதாளம், விவேகம் படத்தினை தொடர்ந்து சிறுத்தை சிவா நான்காவது முறையாக அஜித்தின் 58வது படத்தினை இயக்கவிருக்கிறார். தற்பொழுது வந்த படங்களில் அஜித் சால்ட் அண்ட் பெப்பர் லுக்கில் நடித்து வந்தார். இந்த படத்தில் சால்ட், பெப்பர் லுக்கிக்கை தொடராமல் இளமையான தோற்றத்தில் நடிப்பதோடு எடையும் குறைத்து சூப்பர் லுக்கில் வித்தியாசமான தோற்றத்தில் நடிக்கவிருக்கிறார்.    

சத்ய ஜோதி பிலிம்ஸ் நிறுவனம் தயாரிக்கும் இப்படத்திற்கு 'விஸ்வாசம்' என்ற தலைப்பினை வைத்து சில நாட்களுக்கு முன்பு வெளியிட்டனர். டைட்டில் வெளிவந்த சில மணி நேரத்தில் வலைதளங்களில் இந்திய அளவில் ட்ரெண்டானது. தற்பொழுது படத்திற்கான நாயகி, மற்றும் நடிகர், நடிகைக்கான தேர்வு நடைபெற்று வருகின்றது.

இந்நிலையில் தற்போது வந்த தகவலின் படி 'வீரம்' படத்தில் நான்கு தம்பிகளில் ஒருவராக நடித்தவர் பாலா, விஸ்வாசம் படத்தில் முக்கிய வேடத்தில் நடிக்க இருக்கிறாரம். இந்த தகவலை மலையாள சினிமாவின் ஒரு தொலைக்காட்சி நிகழ்ச்சியில் பாலாவே வெளியிட்டுள்ளார்.