வைரலாகும் ஸ்கெட்ச் படத்தின் தீம் ப்ரோமோ

கெளதம் மேனன் இயக்கத்தில் விக்ரம் நடிப்பில் உருவாகியுள்ள அதிரடி த்ரில்லர் படமான  'துருவநட்சத்திரம்' படத்தினை தொடர்ந்து சீயான் விக்ரம் லோக்கல் கெட்டப்பில் விஜய் சந்தர் எழுத்து மற்றும் இயக்கத்தில் உருவாகி வரும் 'ஸ்கெட்ச்' படத்தில் நடித்து வருகிறார். இந்த படத்தில் சீயான் விக்ரமிற்கு ஜோடியாக தமன்னா இணைந்துள்ளார். முதல் முறையாக இணைந்துள்ள இந்த  ஜோடியுடன் சேர்ந்து முக்கிய வேடத்தில் ஸ்ரீ பிரியங்கா, சூரி நடித்துவருகின்றனர். இவர்களுடன்  மெகாலி, ராதாரவி, வேல ராமமூர்த்தி, ஸ்ரீமன், ரவி கிஷான், ஆர்கே. சுரேஷ், ஹரீஸ் பேரடி உள்பட பலர் நடித்துள்ளனர். தற்பொழுது இப்படத்தின் படப்பிடிப்புகள் முவடைந்து போஸ்ட் ப்ரொடெக்சன் பணியில் படக்குழு விறுவிறுப்பாக ஈடுபட்டு வருகிறது. 

இப்படத்தினை பொங்கல் விருந்தாக ரசிகர்களுக்கு விருந்தளிக்க உள்ளனர். இந்த படத்தில் தமன் இசையமைத்துள்ளார். இவர் இசையில் வெளிவந்த 'கனவே கனவே - அட்சி புட்சி - சீனி சில்லாளே' என மூன்று சிங்கிள் வீடியோ, டீசர் போன்றவை ரசிகர்கள் மத்தியில் வெகுவான வரவேற்பினை பெற்று வருகிறது. இந்நிலையில் 'தீம்' (THEME) என்ற ப்ரோமோ வீடியோவை வெளியிடுவதாக இசையமைப்பாளர் தமன் அவரது டிவிட்டரில் பதிவு செய்துள்ளார். இந்நிலையில் படக்குழு வெளியிட 'தீம்' ப்ரோமோ விடியோவிற்கு ரசிகர்கள் மத்தியில் நல்ல வரவேற்பு கிடைத்ததோடு வலைத்தளத்தில் அதிகளவு ட்ரெண்டாகி வருகிறது.