வில்லனாக உருவெடுத்த பிரசன்னா

மிஸ்கின் இயக்கத்தில் சில மாதகங்களுக்கு முன்பு வெளிவந்த துப்பறிவாளன் படத்தில் நாயகன் விஷாலுக்கு நண்பனாக நடித்த பிரசன்னாவின் கேரக்டர் ரசிகர்களை ஈர்க்கும் வகையில் இருந்தது. இதனை தொடர்ந்து சுசி கணேசன் இயக்கத்தில் பாபி சிம்ஹா நடிப்பில் வெளிவந்த 'திருட்டு பயலே 2' படத்தில் பிரசன்னா வில்லன் வேடத்தில் நடித்து ரசிகர்களை அலறவைக்கும் விதமாக அதிரடி திரில்லரில் கலக்கி இருந்தார். 

பிவிஎஸ். ரவி இயக்கத்தில் தெலுங்கில் வெளிவந்த 'ஜவான்' படத்தில் பிரசன்னா வில்லன் வேடத்தில் நடித்துள்ளார். திருட்டு பயலே 2 படத்தின் வெளியீட்டு தேதியில் ஜவான் படம் தெலுங்கில் வெளிவந்தது. இந்த இரு படங்களும் ஒரே தேதியில் வெளிவந்து தமிழ் மற்றும் தெலுங்கில் பிரசன்னாவின் வில்லன் கேரக்டர் ரசிக்கும் விதத்தில் அமைத்துள்ளது. இதன் மூலம் பிரசன்னாவின் வரவேற்பு தமிழ், தெலுங்கு என இரு திரையுலகிலும் அதிகரித்துள்ளது.       

வில்லன் கேரக்டரில் கிடைத்த இந்த வெற்றியை தக்கவைத்து கொள்ளும் விதமாக இனி வரும் படத்தில் பிரசன்னா வில்லன் கதாபாத்திரத்தில் நடிப்பாரா என எதிர்பார்க்கப்படுகிறது.