நீண்ட இடைவெளிக்கு பிறகு மலையாளத்தில் பிக் பாஸ் பிரபலம்

விஜய் டிவி-யில் கமல்ஹாசன் தொகுத்து வழங்கிய பிக் பாஸ் நிகழ்ச்சியின் மூலம் பலரும் பிரபலமாயினர். இதன் காரணத்தினால் அதில் கடந்து கொண்ட பலருக்கு விளம்பங்கள், தொகுப்பாளர், படத்தில் நடிப்பது என பல வாய்ப்புகள் கிடைத்து வருகிறது. இந்நிலையில் தனது உண்மையான கேரக்டரை வெளிபடுத்திய சிலரில் ஒருவரான கணேஷ் வெங்கட்ராமன் அனைவரின் மனதில் இடம் பிடுத்திருந்தார். 

தமிழ் திரையுலகில் அபியும் நானும் படத்தின் மூலம் அறிமுகமாகி, உன்னைப்போல் ஒருவன், இவன் வேறமாதிரி, தனி ஒருவன், தொடரி போன்ற படங்களில் நடித்துள்ளார். இவரின் உடல் அமைப்பிற்கு பெரும்பாலும் போலீஸ் வேடத்தில் நடித்து திறமையை வெளிப்படுத்தியிருந்தார்.      

இந்நிலையில் 7 வருடங்களுக்கு பிறகு மலையாளத்தில் மீண்டும் 'மை ஸ்டோரி' என்ற படத்தின் மூலம் களமிறங்கவுள்ளார். ரோஷ்ணி பணிக்கர் இயக்கும் இப்படத்தில் பிரபல மலையாள நடிகர் ப்ரித்விராஜ் நடிக்கயிருப்பதாகவும், இவருடன் இணைந்து பார்வதி மேனன், மனோஜ் போன்றவர்கள் நடிப்பதாகவும் தகவல்கள் வந்துள்ளது. இந்த படத்தில் கணேஷ் வெங்கட் முக்கிய வேடத்தில் அதிரடியாக இறங்க உள்ளார்.