தானா சேர்ந்த கூட்டம் டைட்டில் பாடல் டீசர்

நானும் ரவுடி தான் படத்தின் வெற்றியை தொடர்ந்து விக்னேஷ் சிவன் இயக்கத்தில் சூர்யா நடிப்பில் பொங்கலுக்கு வெளிவர உள்ள படம் 'தானா சேர்ந்த கூட்டம்'. இந்த படத்தில் நாயகியாக கீர்த்தி சுரேஷ் நடித்துள்ளார். ஸ்டூடியோ க்ரீன் நிறுவனம் சார்பில் ஞானவேல் ராஜா தயாரித்துள்ள இந்த படத்தில் முக்கிய வேடமான வில்லன் கெட்டப்பில் நவரச நாயகன் கார்த்திக் நடித்துள்ளார். இவருடன் இணைந்து ரம்யா கிருஷ்ணன், செந்தில், நந்தா, ஆர்ஜே.பாலாஜி, தம்பி ராமையா, சத்யன் உட்பட பல திரைப்பட நட்சத்திரங்கள் இணைந்துள்ளனர். இந்த படத்தை தெலுங்கில் 'கேங்' என்ற தலைப்பில் வெளியிடவுள்ளனர்.

இந்த படத்திற்கு அனிருத் இசையமைத்துள்ளார். இவர் இசையில் வெளிவந்த 'சொடக்கு மேல சொடக்கு போடுது', 'நானா தானா..', 'பீலா பீலா..' போன்ற பாடல்கள் வலைத்தளத்தில் ட்ரெண்டாகி ரசிகர்கள் மத்தியில் நல்ல வரவேற்பினை பெற்றிருந்தது. இந்நிலையில் படத்தின் டைட்டில் பாடலின் டீசரை வரும் டிசம்பர் 30-ஆம் தேதி வெளியிடுவதாகவும், முழு ஆல்பம் ஜனவரி 3-ஆம் தேதி வெளியிடுவதாகவும் அனிருத் அவரது ட்விட்டரில் பதிவு செய்து தகவலை வெளியிட்டிருந்தார். அதன்படி தற்போது 'தானா சேர்ந்த கூட்டம்' படத்தின் டைட்டில் பாடல் டீசர் வெளிவந்துள்ளது.